林昶佐全台語弔鄭南榕 「向前輩保證繼續向前」

〔即時新聞／綜合報導〕戒嚴時代黨外雜誌《自由時代》的創辦人鄭南榕，1989年4月7日為爭取言論自由、台灣獨立而自焚殉道。位於新北市金山區的鄭南榕自由之翼紀念墓園，今天舉行鄭南榕殉道27週年紀念追思會，時代力量台北市立委林昶佐受邀出席，以全程台語發表演說，影片PO上臉書粉專後，吸引網友大讚。

林昶佐今以「今仔日咱做伙懷念一位重要的朋友」為題說道，「有足長的一段時間，台灣攏是一个充滿了苦難的島嶼，這是一个上美麗的所在，煞嘛是佮美麗離上遠的所在。猶毋過佇咧烏暗中，總是有人會當毋驚痛苦的折磨，放送出人性上燦爛的光芒，予台灣人袂絕望。其中，Nylon（鄭南榕）就是不時鞭策著咱台灣人的革命家，伊提醒咱，佇這个世界上，有一寡物件超過性命本身、超過風塵中世俗的存在，彼就是信念。」

請繼續往下閱讀...

林昶佐說，「對Nylon來講，這个信念就是欲予每一个人，成做一个獨立尊嚴的主體，這个信念，就是自由。自從Nylon佇咧火薰中殉道了後，廿七冬矣，如今的咱，敢自由矣？台灣歷史上第一改，咱選出了本土價值過半的新國會，嘛閣一擺，咱準備迎接政黨輪替，繼承獨裁統治的政黨，假若嘛咧欲去予人民掃出歷史，台灣人全面擺脫束縛敢若有望。猶毋過這个時陣！煞有人民因為某一寡人認為怹『無正常』就佇咧路邊去予人掠去…咱，敢自由矣？」

林昶佐認為，「若是Nylon猶閣活咧，伊對這馬的台灣社會敢會感覺滿意？袂！我相信伊袂，伊一定會講，無受威權政黨控制的新國會，才拄才出世，這猶閣離收成的時刻足遠的。台灣人，建立了新國會，真正的改革工課才拄才開始爾！…舊年，咱成立新的政黨，以『時代力量』」來號名，嘛受著Nylon的『時代』雜誌的啟發。咱向望會當用『時代』的精神來自我勉勵，會當行佇時代的頭前，欲成做這个時代一種堅定不變的力量。」

林昶佐最後說，「理想猶未達成，咱行過Nylon的身軀，繼續攑頭行向Nylon早就看著的目標。Nylon一代人為台灣人民衝破民主自由的空縫，咱這代人又閣欲留予下一代啥物？咱的形影敢會佮Nylon仝款遐爾仔挺？遐爾仔有骨氣？這我毋知，我干焦知影，咱佇咧遮，毋是來佇咧墓地歇睏，是猶閣佇咧戰場頂，向前輩來保證，咱會繼續向前。」